OLIY TA’LIM TASHKILOTLARI UCHUN INTEGRATSIYALASHGAN RAQAMLI MOLIYAVIY BOSHQARUV PLATFORMASI MODELI

Abstract

Maqolada oliy ta’lim tashkilotlarining moliyaviy boshqaruvida qo‘llanilayotgan raqamli vositalar o‘rtasidagi uzilishlarni bartaraf etishga qaratilgan integratsiyalashgan raqamli platforma modeli taklif etilgan. Mavjud buxgalteriya hisobi dasturi, elektron hujjat almashinuvi tizimi, ichki xarid talabnomalarini boshqarish tizimi va elektron bank tizimlari o‘rtasidagi bog‘lanishlar soni graf nazariyasi elementlari yordamida tahlil qilingan. Mavjud tizimlarni almashtirmasdan ularni o‘zaro bog‘lovchi besh qatlamli model - manba tizimlar, ma’lumotlar ombori, integratsiya qatlami, tahliliy qatlam va taqdimot qatlamidan iborat tuzilma ishlab chiqilgan hamda uni bosqichma-bosqich joriy etish tartibi va samaradorlikni o‘lchash ko‘rsatkichi asoslangan.