Qurilish materiallari sanoati korxonalarida moliyaviy va boshqaruv hisobini integratsiyalash algoritmi hamda barqarorlik koʻrsatkichlari asosidagi hisobot shakllari

Abstract

Tezisda qurilish materiallari sanoati korxonalarida moliyaviy va boshqaruv hisobi oʻrtasidagi uzilishni bartaraf etishga qaratilgan besh bosqichli integratsiya algoritmi hamda unga asoslangan yangi hisobot shakllari – integratsiyalashgan xarajatlar va tannarx matritsasi, ekologik-ijtimoiy (ESG) xarajatlar hisoboti, barqarorlik tahlili shakli va boshqaruv koʻrsatkichlari paneli – taklif etilgan. Algoritm xarajatlarni yagona kodlash tizimi, umumiy elektron registr va real vaqtli indikatorlar orqali mahsulot turi, texnologik bosqich va javobgarlik markazlari kesimida kuzatish imkonini beradi. Takliflar «Qizilqumsement», «Ohangaronsement» va «Quvasoysement» aksiyadorlik jamiyatlarining 2020–2023-yillardagi maʼlumotlari asosida asoslangan.